Kultur og aktivitet langs Lusterfjorden

Lusterfjorden – den innerste armen av Sognefjorden

Marifjøra var tidlig ein sentral handelstad og hadde travel dampskipskai. Historia fortel om yrende liv i butikkane, hjå bakaren, i kaffistova og på sagbruket. Vegen frå Marifjøra langs fjorden utover mot Vedvik (5,5 km) innbyr både til spasertur og ein tur med sykkelen. Middag og overnatting på hotellet.

Den imponerande breisen på Nigardsbreen

De syklar eller tek bussen til unike Jostedalen der de får oppleva den spektakulære breen på nært hold. Her ligg mange av brearmane til Jostedalsbreen. Den største isbreen på det europeiske fastlandet (487 km2) dekker nesten halvparten av Jostedalsbreen Nasjonalpark. Frå informasjonssenteret for Jostedalsbreen nasjonalpark – Breheimsenteret går vegen fram til Nigardsbrevatnet. Herifrå går turen vidare på godt merka sti fram til breen, der du får nærkontakt med den massive breisen. Nyt medbrakt lunsj med utsikt til den blå isen før besøk på Breheimsenteret og retur til Marifjøra.

På flate vegar langs fjorden

Frå sykkelstien til Gaupne er det spektakulær utsikt til Røneidsberget og fjella innover Jostedalen. Du rullar vidare til Nes, kanskje passer det med ein kaffepause på Høyheimsvik der du får flott utsikt til spektakulære Feigumfossen. I Luster finn du Lustrabui som er viden kjent for det gode bakverket sitt, velg dine favorittar.
Ved bakeriet finn du Dale kyrkje som er vel verd eit besøk. Den unike steinkyrkja fra 1200 -tallet har klebersteinsportal og ung-gotiske impulsar.
Skjolden, lengst inne i Lusterfjorden, var en viktig skysstasjon og ein handelstad. Her kom Gudbrandsdølene over fjellet for å kjøpa fisk og salt og Sogningane reiste for å kjøpa skinn og smør.

Besøk gjerne Wittgensteinhuset som ligg ein kort sykkeltur fra hotellet. Her budde Ludwig Wittgenstein i periodar, ein av dei største filosofane på 1900-tallet. Du overnattar i Skjolden og utsøkt middag er inkludert.

Piknik stopp ved Feigumfossen

Turen går langs «den romantiske veg» til Urnes. I idyllisk landskap langs fjorden, forbi små garder og landbrukseiendommer der dei dyrkar frukt og bær.

Ved Feigumfossen, Norges nest høgaste uregulerte fossefall med sine 218 m, kan du ta turen opp til utsiktspunktet for nærkontakt med fossen. Ved fjorden ligg kafeen i den gamle saga og det passar kanskje med eit fjordbad?

I Kroken ligg Munthehuset, her samla Gerhard Munthe (1795-1876) sine kunstnarvenner, som Johannes Flintoe, J.C. Dahl, Adolph Tidemand, Thomas Fearnley og Hans Gude. På Kaptein Munthes tid var Kroken eit kultursentrum og mange av dei viktigaste norske nasjonal-romantikarane fann inspirasjon her. Derav navnet på dagens sykkelrute: «den romantiske veg»

På Urnes står landets eldste stavkyrkje, bygd i 1130-åra og eit byggverk i særstilling når det gjeld arkitektur, stilhistorie og svært godt håndverk. Kyrkja har vore på Unesco si verdsarvliste sidan 1979.

Frå ferjekaien tek du ferja til Solvorn. Besøk den vetle bygda med sin sjarmerende trehusbebyggelse og kanskje galleriet i den gamle låven. Overnatting her eller i Sogndal.

Tid for avreise – eller forlengelse av oppholdet med besøk i Balestrand, Vik eller Flåm? Me er lokalkjente og hjelper deg gjerne med anbefalingar.